حد شاف فيلم عاوز حقي؟؟
طب حد عارف سعد زغلول عمل ايه ؟؟
احنا بقى هنعيد التاريخ تاني
وهنعمل زي اللي اتعمل في الفيلم
مش الحكومة بتبيع ومحدش عارف بتبيع بكام ؟؟ ولا لمين ؟؟ وآخرها حكاية تصدير الغاز لإسرائيل
ويقولوا أشياء سرية !!!
خلااص احنا بقى عاوزين حقنا في اللي اتباع ده
عاوزين نتحاسب ونشوف لينا كام
الخبراء اللي بياخدوا بالملايين في الشهر واحنا مش لاقيين ناكل ولا نلاقي شقق
المواكب والمباني الفاخرة
هنختار ناس نوكلهم في محاسبة الحكومة والمطالبة بحقنا ناشف
البلد دي بلدنا مش بلدهم
وغلط اننا نسيبها لهم
مش القذافي بيدي الشعب نصيبه في البترول ناشف عاوزين كده مش عاوزين كباري ولا انفاق
كل واحد ياخد حقه ناشف في اللي اتبااع
ده غير اللي لسه هيتباع
مادام مجلس الشعب مابيعملش حاجة يبقى احنا نعمل
...................................
هنجمع توقيعات من الناس لعمل توكيلات
لعمل مجموعة من الناس يتكلموا باسم الشعب ويطالبوا بحقه
...................................
بلا انتخابات بلا اضرابات بلا كلام فارغ
ومن غير ضرب ولا شتيمة ولاتعطيل لمصالح الشعب
زي مابيتلككوا
مادام الحكاية عافية نبقى نفضها شركة وكل واحد ياخد نصيبه
عاوزين يتعدلوا نبقى نفكر ساعتها في التفاهم ونقول شروطنا غير كده ناخد حقنا ناااشف
وده من حقنا لأن البلد بلدنا واللي هنوكلهم هيكونا رسميين
زي اللي حصل ايام سعد زغلول مش معقولة بتوع زمان يكونوا اشجع مننا وهم كانوا في احتلال واحنا مفروض في عصر الديمقراطية
ثم للي بيخاف انت بتوكل واحد ياخد لك حقك مش اكتر
ليست هناك تعليقات:
إرسال تعليق